『港女500』事件愈攪愈核突，愈攪愈無廉恥，我唔係話緊個港女，而係將件事不斷發大，不斷將當事人既私生活掘哂出黎個班人，簡直就係不知所謂。港女言論惡頂，心態白痴，的確係值得需要"人"去糾正返，而唔係將當事人置諸死地。有班"攪事者"好多藉口去維護自己既行為，咩撚野比教訓人，好似一時之間個個就變成網上判官，仲有一班無腦但又想抽下水既小學雞，加入埋一份，起人底，愈唔見得光既野就愈顯示出黎，最好就攪到對方工又無埋，婚又結唔成，無面目見人，如果可以既話，仲可以逼到對方有抑鬱，最好自殺埋就Perfect池!
可能你會話:『有冇講到咁嚴重呀?』
依種心態同依家香港政府處事心態一撚樣，未出事前就咩撚都唔理，唔見紅唔做野，唔死人唔會停止，。先勿論500蚊人情定800蚊人情係對與錯，但大家已經將件事玩到過哂火，起底起到人地病歷都講埋出黎，禍及家人，已經造成好大好大既教訓，依一刻既"佢地"仲唔收手?
咩叫知錯能改? 其實好多人都唔會咁做，你錯! 就要身敗名裂，人人得而誅之，想改? 下世啦!
網上欺凌係現今最大既語言暴力，你係現實生活上賤格，仆街，黑人僧都係自己圈子既人知，衰係現實手上，對你既影響好細，仲可以Who fucking care心態對待，但係你衰係網上世界，你既衰野就會全世界都知，避無可避，身邊既朋友仲可以無人性咁提供"資料"比人玩殘你，對付一個女人洗唔洗去到咁盡? 玩人個班有冇諗過積下口德?
係香港，打壓異見就最叻，有人叫收手，就比人封上正義撚，道德撚之名，就好似國教事件，你撐既話就有Like! 你反既話? 小心有"朋友"Cap圖轉貼放上論壇，到時一大班判官拎你黎批鬥鞭屍。當那些年電影個個都話好睇既時侯，你留言話唔好睇? 一大班護主犬出黎批鬥你，話你無青春，未經歷過既死毒撚識條春! 講到好似套電影係佢地拍咁。究竟香港既民主係咪只需要主流思想，而唔接受異見?
所以話呢，做人受到社會思想所規限，想做一條網上兇狠，現實碌撚既人，網上既世界係唯一一個空間比班人發洩出黎，現實唔敢做唔敢講既野都可以係網上發表，真正體現咩係言論自由。但如果連呢少少既空間都受到主流思想規限得"過哂火"既時侯，做人有咩意思?
教教大家，想將心底話講出黎，想對政治上發表一下意見，可以去申請一個新既Email去申請論壇Ac或者開個新既Facebook，其實所謂既起底都係Google打你Email，睇下你以往留過咩言，做過D咩，所以唔想比人起底就要咁做。至於平時Facebook就少講政治，少講與主流思想相反既言論。
你覺得好麻煩? 你覺得洗唔洗做到咁呀? 你覺得行得正企得正洗鬼做到咁既地步?
我諗以往衰係網上既人，包括港女500，都曾經有以上既想法，但係記住，坐係電腦面前既你地，依一刻係到笑緊人，玩緊人，但難保有一日，你將會成為新既男女主角。
小心他朝君體也相同，善有善報，惡有惡報，若然未報，只係時晨未到。
屌，攪到我都淆淆地，Sorry，當我無講過! 下一站金鐘，下一站金鐘，毛主席萬歲!
Search